«2014թ. օգոստոսի 3-ից սկսվեց եզդիների ցեղասպանությունը, երկու տարի է շարունակվում է: Իսլամական պետության ահաբեկիչները մտան Սինջար շրջան և սկսեցին զանգվածաբար կոտորել եզդիներին՝ պահանջելով որ իսլամ ընդունեն, այլապես կսպանվեն: Եզդիները չընդունեցին այդ պահանջը ավելի քան 20 000 եզդի սպանվեց, բազմաթիվ եզդիներ գերեվարվեցին՝ մասնավորապես կանայք և երեխաներ, ովքեր մինչև այժմ էլ վաճառքի են ենթարկվում Իրաքի այն շրջանում, որը գտնվում է ԻՊ-ի հսկողության տակ, և Սիրիայում: «Առաջին լրատվական»- ի հետ զրույցում այս մասին ասաց «Եզդիների ազգային կոմիտե» ՀԿ փոխնախագահ Սաշիկ Սուլթանյանը:
Սաշիկ Սուլթանյանի դիտարկմամբ՝ այս ցեղասպանությունը իրականացվեց «Իսլամական պետության» ձեռքով, բայց այն փաստը, որ մինչև այժմ էլ կանգ չի առել, նշանակում է, որ սա ծրագրված գործողություն է, սրա հետևում միայն ԻՊ-ը չէ կանգնած: Քարոզվում է, որ եզդիներին սպանելու համար դրախտ կընկնեն:
Ս. Սուլթանյանը մտահոգություն հայտնեց՝ ասելով, որ թեև շատ երկրներ դատապարտել են եզդիների ցեղասպանությունը, սակայն քայլեր չեն ձեռնարկվել ցեղասպանությունը դադարեցնելու ուղղությամբ:
Մանրամասները՝ տեսանյութում:
