Ամերիկացի Դևին Հուբերը Միչիգանի դաշտում պատկերել է ամուսնության առաջարկություն՝ իր ընկերուհի Լիզա Մարշալի համար: Այս մասին հայտնում է Associated Press-ը:
Հուբերը և Մարշալը հանդիպում են մոտ 3 տարի: Առաջարկության համար ամերիկացին իր ընտանեկան ֆերմայի դաշտում պատկերել է Marry me (Ամուսնացիր ինձ հետ) արտահայտությունը: Այնուհետև ընկերը Հուբերին օգնել է սիրելիի հետ թռչել ինքնաթիռով, որպեսզի նա երկնքից տեսնի ամուսնության առաջարկությունը:
Ամերիկացին պատմել է, որ ծնկի է իջել և հարցրել՝ արդյոք ընկերուհին կամուսնանա՞ իր հետ: Վերջինս համաձայնվել է: Հարսանիքը կկայանա 2017թ. օգոստոսին:
