1. Բարբադոսցի գեղեցկուհի Ռիհաննան շատերին է դուր գալիս իր ոճով, երգերով, ինչպես նաև գեղեցիկ մեծ աչքերով:
2. Երկու երեխաների մայր և ամերիկացի սիրված դերասանուհի Ջեսիկա Ալբան, ով տարիների հետ չի փոխվում և ավելի է գեղեցկանում, հինգ տարեկանից երազել է դառնալ դերասանուհի: 12 տարեկանում արդեն նա հաճախել է թատերական դպրոց, իսկ մի քանի տարի անց կնքել է իր առաջին պայմանագիրը:
3. Գվեն Ստեֆանին միշտ էլ կարողանում է համատեղել անհամատեղելին: Օրինակ՝ շագանակագույն աչքերը, ոսկեգույն մազերն ու «ճենապակյա» մաշկը:
4. Երգչուհի Ֆերջին մտադիր է դուրս գալ խմբից և երեխաներ ունենալ: Արդյոք նա կրկին կհայտնվի՞ բեմում, թե՞ ոչ՝ հայտնի չէ, սակայն նրա հայացքը երբեք չի մոռացվի:
5. Կինեմատոգրաֆիայի և նորաձևության ոգեշնչող Պենելոպե Կրուզը շատերին է գրավել իր թավշե հայացքով: Անցած տարի մայրացած Պենելոպեն միշտ էլ կարողացել է ընդգծել իր աչքերի գեղեցկությունը:
6. Սուպերդերասանուհի, սուպերմոդել և սուպերկին Շարլիզ Թերոնը նույնպես ամենագեղեցիկ աչքերով աստղերի շարքին է պատկանում:
7. Բեյոնսեն, ով նույնպես վերջերս է մայրիկ դարձել, իր բոլոր տեսահոլովակներում անթերի տեսք ունի, իսկ ամենակարևորը՝ բազմաոճ և համապատասխան դիմահարդարում, որը կարող է որպես օրինակ ծառայել:
8. Անջելինա Ջոլին ամենագեղեցիկ կանանց շարքում վաղուց է զբաղեցրել իր տեղը: Նա ճանաչված է ոչ միայն իր բնական գեղեցկությամբ, այլև գթասրտությամբ. նա հաճախ է աջակցում աշխարհի երրորդ երկրների բնակիչներին, մասնակցում է տարբեր հասարակական միջոցառումների:
9. Այշվարիյա Ռայը պատահական չէ, որ 1994թ. գրավել է «Միսս աշխարհ» և Բոլիվուդի ամենացանկալի դերասանուհու տիտղոսները:
10. Մեգան Ֆոքսը միշտ էլ իմացել է, որ շատ գեղեցիկ է: Գեղեցկուհին կարող է թարթիչների մեկ շարժումով ցանկացած տղամարդու ստիպել կատարել իր բոլոր ցանկությունները: Մեգանի աչքերը իրոք մագնիսական ուժ ունեն: Դրանից բացի՝ դերասանուհին դիմահարդարվում է այնպես, որ ընդգծվում է նրա գեղեցկությունը:
