Չինաստանը շարունակում է վերահսկել Արևելաչինական ծովում գտնվող Սենկակու վիճելի կղզիների ջրային տարածքը: Այս մասին հաղորդում է ITAR-TASS-ը՝ վկայակոչելով ՉԺՀ պետական օվկիանոսագիտության բաժինը:
Այսօր արշիպելագի ջրային տարածք է մտել ՉԺՀ 3 պարեկային նավ՝ «Հայցզյան-49», «Հայցզյան-23» և «Հայցզյան-5001»: Ճապոնիայի սահմանապահները ռադիոկապի միջոցով նրանցից պահանջել են անմիջապես լքել երկրի ջրային տարածքը, սակայն չինական նավերի նկատմամբ ոչ մի ակտիվ գործողություն չեն ձեռնարկել:
Նշենք, որ Սենկակու կղզիների շուրջ տարածքային վեճը Տոկիոյի և Պեկինի միջև սրվել է այն բանից հետո, երբ նախորդ տարվա սեպտեմբերի սկզբին Ճապոնիայի իշխանությունները հայտարարել են կղզիները մասնավոր սեփականատերերից գնելու մասին:
