Կատալոնական «Բարսելոնա»-ի հարձակվող Ալեքսիս Սանչեսը խոսել է անցած մրցաշրջանի մասին, ինչպես նաև նշել է, որ ցանկանում է ավելի շատ օգտակար լինել իր թիմին:
«Անցած մրցաշրջանի հետ կապված խառը զգացողություններ ունեմ: Ցանկանում էի օգնել «Բարսելոնա»-ին ավելի մեծ ձեռքբերումներ ունենալ, բայց ամբողջ մրցաշրջանի ընթացքում չկարողացա իմ ներդրումն ունենալ: Սակայն մի քանի գոլ եմ հեղինակել խաղաշրջանի ավարտին և այդ փաստն ինձ ուրախացնում է:
Իմ նապատկը գավաթներ նվաճելը և հաջորդ մրցաշրջանում «Բարսելոնա»-ի համար օգտակար լինելն է: Մեր թիմի կազմը համալրել է Նեյմարը, և ես միակը չեմ, ով կցանկանա խաղաժամանակ ստանալ»,- նշել է Սանչեսը:
Հիշեցնենք, որ 2012/13թթ մրցաշրջանում չիլիացի հարձակվողը «Բարսելոնա»-ի կազմում անցկացրել է 49 հանդիպում՝ հեղինակելով 11 գոլ:
