Անցած երեքշաբթի Ինդոնեզիայի Սումատրա կղզու հյուսիս-արևմուտքում տեղի ունեցած երկրաշարժի զոհերի թիվը հասել է 35-ի, անհետ կորած է համարվում 8 մարդ: Այս մասին հաղորդում է RIA Novosti-ն` վկայակոչելով Ինդոնեզիայի բնական աղետների հետևանքների վերացման ազգային վարչությանը:
Միևնույն ժամանակ, Աչեհ մարզի ոստիկանությունը հաղորդել է 40 զոհի մասին: Ավելի վաղ հաղորդվել էր 25 զոհի մասին:
Հուլիսի 2-ին 6.2 մագնիտուդ ուժգնությամբ երկրաշարժի էպիկենտրոնը գտնվել է Աչեհի Բեներ-Մերիահ շրջանից 35 կմ հյուսիս-արևմուտք, օջախը գտնվել է տասնյակ կիլոմետր խորության վրա:
Մի քանի ժամ անց տեղի է ունեցել երկու նոր ցնցում` 5.5 և 5.3 մագնիտուդ ուժգնությամբ: Բնական աղետը վնասել է ավելի քան 4300 տուն, տանիքից զրկվել է առնվազն 16 հազար բնակիչ: