Եգիպտոսի նախագահ Մուհամմադ Մուրսիի տապալումը տեղի է ունեցել այն ժամանակ, երբ ԱՄՆ պետքարտուղար Ջոն Քերին զբոսանավի վրա իր հանգիստն էր վայելում: Արաբական երկրում տեղի ունեցող իրադարձությունները չեն ստիպել նրան ընդհատել հանգիստը: Այս մասին հայտնում է CBS հեռուստաալիքը:
Սկզբում Պետդեպի ներկայացուցիչ Ջենիֆեր Պսակին հերքել է այս տեղեկատվությունը, սակայն ուրբաթ հաստատել է, որ Քերին իսկապես գտնվել է զբոսանավի վրա՝ Մասաչուսեթսի ափին, սակայն նա շուրջօրյա կապի մեջ է եղել Վաշինգտոնի հետ, ինչպես նաև մասնակցել է Օբամայի վարչակազմի անդամների հանդիպումներին:
Հեռուստաալիքը հաղորդել է, որ ուրբաթ Քերին կրկին գտնվել է իր զբոսանավի վրա:
