Հռոմի պապ Ֆրանցիսկոսը հրապարակել է իր առաջին էնցիկլիկան (ուղերձ կաթոլիկներին ու կարդինալներին), որը կոչվում է Lumen fidei («Հավատքի լույս»):
Փաստաթղթի տեքստի պաշտոնական ներկայացումը այս պահին կատարվում է Վատիկանում ընթացող մամլո ասուլիսի ժամանակ:
Ավելի վաղ Ֆրանցիսկոսը հրապարակավ խոստովանել էր, որ էնցիկլիկան հովվապետության պատմության մեջ առաջին անգամ գրվել է 4 ձեռքով՝ իր նախորդի՝ Բենեդիկտոս XVI-ի հետ:
Էնցիկլիկայում նա նշել է, որ հավատքի լույսը չպետք է թողնի իրենց մոռանալ աշխարհի տառապանքների մասին: Նա ընդգծում է, որ հույսն ապաստան չէ քաջությունից զուրկ մարդկանց համար:
RIA Novosti-ի տեղեկություններով՝ չի բացառվում, որ հաջորդ էնցիկլիկան պապը կնվիրի աշխարհում աղքատության խնդրին:
Նշենք, որ Սուրբ գահը զբաղեցրած տարիներին Բենեդիկտոս XVI-ը գրել է 3 էնցիկլիկա:
