Chrysler ընկերությունը հայտարարել է ողջ աշխարհում մոտ կես միլիոն ավտոմեքենայի հետկանչի մասին: Պատճառը բազմոցի գլխատակի հարմարանքի հետ կապված խնդիրն է: Այս մասին հայտնում է CNN-ը:
Խնդիրը կապված է գլխատակի միկրոկարգավորիչների հետ, որոնք վթարի ժամանակ կարող են բացասաբար ազդել վնասվածքներից ողնաշարի, պարանոցային հատվածի պաշտպանության համակարգի ճիշտ գործունեության վրա:
Թերի պահեստամասերը ավտոարտադրողի մոտ են հայտնվել երկու տարի առաջ՝ Ճապոնիայում տեղի ունեցած երկրաշարժից ու ցունամիից հետո, այն շրջանում, երբ մատակարարումների խախտման հետևանքով զգացվել է գլխատակի այդ տարրերի դեֆիցիտ:
Հետկանչը տարածվում է ԱՄՆ-ում վաճառված 442 հազար մեքենաների, Կանադայում վաճառված՝ 25 հազար, Մեքսիկայում՝ 10 հազար և այլ երկրներում՝ 12 հազար ավտոմեքենաների վրա:
Խոսքը 2011-2013 թթ. արտադրության Chrysler Sebrings, Chrysler 200 s, Dodge Avenger մոդելների և 2011-2012թթ. արտադրության արտաճանապարհային Dodge Nitro մեքենաների և 2011-2013թթ. արտադրության Jeep Liberty ավտոմեքենաների մասին է:
Ամերիկյան ընկերությունում հայտարարել են, որ թերության պատճառով դժբախտ պատահարների մասին տեղեկություններ չեն ստացվել: