Գորիսի 1992-94 թվականների քաղաքապետ, տարածաշրջանի ինքնապաշտպանության կոմիտեի համանախագահ Սամվել Հարությունյանը Aravot.am-ին Սյունիքի նախկին մարզպետ Սուրիկ Խաչատրյանի ունեցվածքի մասին նոր տեղեկություններ է ներկայացրել:
«Լիսկան հայ ժողովրդից հափշտակել է 200 միլիոն դոլարից ավելի հարստություն: Մեր ժամանակների հակահերոս Սուրիկ Խաչատրյանը , երբ 1990 թվականին ներկայացավ Գորիս քաղաք, ուներ ընդամենը 2 սենյականոց անշուք 1 բնակարան և մեկ Վազ 06 մակնիշի մի քանի տարվա մեքենա: Թվարկեմ, թե դրանից հետո ինչեր է ձեռք բերել: Գորիսի առանձանատունը, հազարավոր գծամետր սրբատաշ բազալտից կառուցված, ձեռք է բերել Գորիսի սուրբ Գրիգոր լուսավորիչ գմբեթի համար հանգանակված ֆինանսական միջոցների հաշվին: Կառավարության որոշմամբ փակել է Դավիթ Բեկի անվան փողոցի մի հատվածը և դարձրել իր առանձնատան բակ, ուր տեղի է ունեցել հանրահայտ ծանրագույն ոճրագործությունը: Սեփականացրել է և իր առանձնատանն է միացրել Գորիսի քաղաքային նորակառույց բաղնիքը:
Տարիներ առաջ չնչին գնով, մոտ 20.000 դոլարով, տիրացել է Գորիսում գտնվող թիվ 21 շինարարական միավորման վարչական եռահարկ մեծ շենքին: Նախ ձևակերպել է իր անձնական վարորդ Ռազմիկ Թումյանի անվամբ, իսկ մեկ ամիս անց եռապատիկ ավելի գումարով վերավաճառել է ՀՀ էնեգետիկայի նախարարությանը: Ակնհայտ է, որ կատարվածը պետական միջոցների առանձնապես խոշորամասշտաբ հափշտակություն է: Չնչին գումարներով սեփականաշնորհել է հսկայական միջոցներով կառուցված Գորիսի գարեջրի և լիմոնադի գործարանը, որտեղ արտադրվում է գարեջուր և (ակներ) խմելու ջրի տեսականի:
Ամբողջական հոդվածը կարդալ aravot.am-ում:
Լուսանկարը՝ shamshyan.com-ի
