Hewlett-Packard-ը կրկին մտադիր է ուժերը փորձել սմարթֆոնների՝ մեծ մրցակցություն ունեցող շուկայում: Այս մասին հաղորդում է Indian Express-ը:
Ընկերության՝ Ասիա-Խաղաղօվկիանոսյան տարածաշրջանի տնօրեն Յամ Սու Ինը հայտնել է, որ HP-ն կենտրոնանում է պլանշետների, նոթբուքերի և համակարգիչների, այսպես ասած, «բոլորը մեկում»ձևաչափի վրա:
Այն հարցին կընդլայնվի՞ արդյոք արտադրանքը սմարթֆոնների հաշվին, նա ասել է. «Պատասխանը դրական է, սակայն ես չեմ կարող կոնկրետ ժամկետներ նշել: «Ոչ» պատասխանելը հիմարություն կլիներ: HP-ն պետք է խաղի մեջ լինի»:
HP-ի նոր սմարթֆոնը, ամենայն հավանականությամբ, կթողարկվի Android-ի հիման վրա:
Նշենք, սակայն, որ այս պլատֆորմի հիման վրա թողարկված սմարթֆոնները, այսպես ասած, շուկայում մրցակցությանը չեն դիմացել, և HP-ն ստիպված է եղել դադարեցնել webOS «արտադրանքների» թողարկումը:
