РИА “Новости”-ի տեղեկացմամբ, «Коммерсант» թերթի լրագրող Օլեգ Կաշինը, ում նախօրեին իր տան մոտ գազանաբար ծեծել էին, վերջապես ուշքի է եկել: Նա առաջվա պես գտնվում է նեյրովերակենդանացման բաժանմունքում, և հնարավոր է` արդեն երեկոյան հանվի նրա թոքերի արհեստական օդափոխության սարքը: Ըստ բժիշկների` Կաշինի գիտակցությունը վերականգնվել է, նա կարող է համարժեք արձագանքել հարցերին, սակայն դեռևս խոսել չի կարողանում:
Միևնույն ժամանակ, տուժողի կինն ասում է, թե տակավին ոչինչ չգիտի ամուսնու վիճակի փոփոխության մասին:
Հիշեցնենք, որ Կաշինի վրա հարձակումը իրականացվել էր հոկտեմբերի 6-ի գիշերը: Նրա տան դիմաց սպասող երկու անհայտ անձ դաժան ծեծի էին ենթարկել լրագրողին, որից հետո վերջինս տեղափոխվել էր վերակենդանացման բաժին և երեք անգամ ենթարկվել վիրահատության:
