«Միլան»-ի նախագահ Սիլվիո Բեռլուսկոնին հաստատել է ակումբը չինացի ներդրողներին վաճառելու լուրը:
Նա «Միլան»-ը ձեռք էր բերել 1986 թվականին: Շուրջ մեկ տարի Բեռլուսկոնին բանակցություններ էր վարում գնորդների հետ: Հուլիսի 5-ին կողմերը եկել են համաձայնության: Չինացի ներդրողներն իտալական ակումբի դիմաց վճարել են 400 մլն եվրո:
Չինացիների ընդհանուր ներդրումները կկազմեն 1.1 մլրդ եվրո՝ 450-500 մլրդ՝ բաժնետոմսերի 80%-ի դիմաց, 200 մլն՝ պարտքերի մարման և 400 մլն՝ ակումբի զարգացման, այդ թվում և կազմի համալրման համար:
«Վերջին տարիներին չէի կարողանում արդյունավետ կառավարել ակումբը: Հիմա կարևոր ընտրություն եմ կատարել: Ցանկանում եմ «Միլան»-ը փոխանցել նրանց, ովքեր կկարողանան վերադարձնել իտալական ու եվրոպական ֆուտբոլի բարձունքներին»:
Հիշեցնենք, որ 2015/16թթ մրցաշրջանի արդյունքում «Միլան»-ն Ա Սերիայում գրավեց 7-րդ հորիզոնականն ու 3-րդ տարին անընդմեջ զրկվեց եվրագավաթների խաղարկություններին մասնակցելու հնարավորությունից:
