Եվրահանձնաժողովում աշխատող մոտ 1200 բրիտանացիների կարիերան հարցականի տակ է դրվել՝ կապված Եվրամիությունից դուրս գալու մասին հանրաքվեի արդյունքների հետ։ Այս մասին RIA Novosti-ին հայտնել է Եվրախորհրդարանի աղբյուրը։
Եվրահանձնաժողովի կանոնադրության 28-րդ հոդվածի Ա կետով՝ ոչ ոք չի կարող պաշտոնյա նշանակվել, եթե անդամ պետություններից մեկի քաղաքացի չէ՝ բացառությամբ նշանակման իրավունք ունեցող մարմնի կողմից նման թույլտվության դեպքերի։
Գործակալության աղբյուրը նշել է, որ հանրաքվեի արդյունքներով Մեծ Բրիտանիայի քաղաքացի հանդիսացող աշխատակիցները զրկվել են ծառայողական աստիճանով առաջ շարժվելու հեռանկարից։
Ավելի վաղ Եվրահանձնաժողովի ղեկավար Ժան-Կլոդ Յունկերը խոստացել էր նպաստել, որպեսզի Brexit-ը բացասաբար չանդրադառնա Բրիտանիայի մոտ 2000 քաղաքացիների վրա, ովքեր աշխատում են ԵՄ ինստիտուտներում։
