Թուրքական «Ֆեներբախչե»-ի և Պորտուգալիայի ազգային հավաքականի կիսապաշտպան Նանին խոսել է Եվրոպայի առաջնության քառորդ եզրափակչի Լեհաստան – Պորտուգալիա հանդիպման մասին:
«Կարծում եմ՝ դիտարժան հանդիպում կլինի երկրպագուների համար: Լեհաստանի հավաքականի հետ խաղացել եմ 2012 թվականին և լավ հիշողություններ ունեմ: Սա այլ խաղ կլինի, և վստահ եմ, որ լեհերը հեշտ չեն հանձնվի:
Եթե գործը հասնի 11 մետրանոց հարվածաշարի, ապա մենք պատրաստ ենք դրան: Շատերն ասում են, որ դա վիճակախաղ է, սակայն 11 մետրանոց հարվածաշարում հաջողության հասնում է նա, ով վստահ է իր ուժերի մեջ», – ասել է Նանին:
Նշենք, որ Լեհաստան – Պորտուգալիա հանդիպումը կկայանա հունիսի 30-ին:
