Անգլերենը Brexit-ից հետո կկորցնի ԵՄ-ում պաշտոնական լեզվի կարգավիճակը: Այս մասին հայտարարել է Եվրախորհրդարանի՝ սահմանադրական գործերի կոմիտեի նախագահ Դանութա Հյուբները, տեղեկացնում է Reuters-ը:
«Եթե մենք չունենանք Մեծ Բրիտանիա, չենք ունենա անգլերենը»,- ասել նա:
Հյուբների խոսքով՝ միայն Մեծ Բրիտանիան էր պնդում, որ ԵՄ-ում անգլերենը պաշտոնական կարգավիճակ ունենա: Իռլանդիան և Մալթան, որտեղ նույնպես անգլերեն են խոսում, առաջարկում են ԵՄ-ում «օրինականացնել» գաելերենը և մալթերենը: ԵՄ-ի յուրաքանչյուր երկիր իրավունք ունի առաջարկելու միայն մեկ լեզու՝ որպես պաշտոնական:
Գործող օրենքը փոփոխության ենթարկելու համար պետք է համաձայնություն տան ԵՄ անդամ 27 երկրները, այդ պատճառով էլ բացառված չէ, որ նրանցից որևէ մեկը դեմ լինի, որ անգլերենը ԵՄ-ում պաշտոնական լեզվի կարգավիճակից զրկվի:
