ԱՄՆ Կենտրոնական հետախուզական վարչության նախկին աշխատակից Էդվարդ Սնոուդենը, ով մեղադրվում է գաղտնի տեղեկատվությունը բացահայտելու մեջ, մի շարք պայմանների կատարման դեպքում պատրաստ է վերադառնալ ԱՄՆ: Այս մասին NBC հեռուստաալիքին տված հրացազրույցի ժամանակ հայտարարել է մեղադրյալի հայրը՝ Լոնի Սնոուենը:
Սնոուդեն-ավագի խոսքերով՝ իր որդին կարող է վերադառնալ հայրենիք, եթե երաշխիք ստանա, որ կմնա ազատության մեջ մինչև դատը, և եթե նրան չպարտավորեցնեն չհրապարակել իր ունեցած տեղեկատվությունը: Բացի այդ, Սնոուդենը ցանկանում է ինքնուրույն ընտրել դատական գործընթացի անցկացման վայրը: Այս պահանջները Սնոուդեն-ավագը փաստաբանի հետ խորհրդակցություններից հետո շարադրել է նամակում՝ ուղղված ԱՄՆ գլխավոր դատախազ Էրիկ Հոլդերին:
Չի հաղորդվում, թե Սնոուդնեի հայրն ինչպես է իմացել նրա պահանջների մասին:
Սնոուդեն-ավագը խոսել է նաև իր որդու արարքի դրդապատճառների մասին: Լոնի Սնոուդենի կարծիքով՝ իր որդին կարող էր դառնալ այլ մարդկանց մանիպուլյացիայի զոհ, այդ թվում՝ WikiLeaks-ի ներկայացուցիչների:
Դրա հետ մեկտեղ NBC-ն նշում է, որ հայր և որդի չեն խոսել այս տարվա ապրիլից, այդ պատճառով Լոնի Սնոուդենը կարող է միայն ենթադրել դրդապատճառների մասին, որոնցով ղեկավարվել է Էդվարդը:
