Արքայազն Ուիլյամն ու դքսուհի Քեթրինը նամակ են գրել Կանադայի վարչապետ Սթիվեն Հարփերին, որտեղ իրենց աջակցությունն են հայտնել երկրում փոթորկվող ջրհեղեղների հետևանքով տուժած բնակչությանը:
«Քեթրինն ու ես խորապես ցնցված էինք՝ լսելով Ալբերտա նահանգում աննախադեպ ջրհեղեղի հետևանքով առաջացած ավերածությունների ու մահացությունների մասին: Խնդրում եմ փոխանցեք մեր լավագույն մաղթանքները փոխնահանգապետին և գավառի վարչապետին, ինչպես նաև փրկարարական ծառայությունների աշխատակիցներին և բոլոր կամավորներին, ովքեր օգնել են իրենց հարևաններին այդ դժվար իրավիճակում»,- գրել է Ուիլյամը:
Թագավորական զույգի նամակն ուղարկվել էր մի քանի օր անց, երբ նահանգում արտակարգ իրավիճակ էր հայտարարվել: Այդ ժամանակ հորդառատ անձրևները բերել էին ավերիչ ջրհեղեղների, որոնց հետևանքով ավելի քան 100.000 մարդ մնացել էր առանց տանիքի և առնվազն 3-ը զոհվել էր:
Նամակը մեծ արձագանք է ստացել բնակչության շրջանում: Վարչապետ Հարփերն ինքը խորին շնորհակալություն է հայտնել միապետներին Twitter-յան իր էջում։
