«Ես կարծում եմ Կառավարությունն իր հռչակած քայլերը հետևողականորեն իրականացնում է, և չեմ կարծում, որ միանգամից հարկավոր է որոշում կայացնել բոլոր նախարարների, մարզպետների, վարչությունների պետերի բոլոր տեղակալներին կրճատելու մասին, դրան պետք է մոտենալ քայլ առ քայլ՝ ամեն կոնկրետ դեպքում գնահատելով անհրաժեշտությունները»,- անդրադառնալով Կառավարության կողմից նախաձեռնած օպտիմալացման ծրագրին և կոռուպցիայի դեմ պայքարին՝ նշեց ԱԺ ՀՀԿ խմբակցության պատգամավոր Խոսրով Հարությունյանը:
Անդրադառնալով նախ իր որդուն ԱԳ փոխնախարար նշանակելու փաստին և առաջիկայում փեսային ԱԳ փոխնախարար նշանակելու վերաբերյալ շրջանառվող լուրերին և այն դիտարկմանը, որ մեր երկրում հենց այնպես ոչ մեկին պաշտոն չեն տալիս, Խոսրով Հարությունյանը արձագանքեց, որ նրանք ունեն համապատասխան կրթություն, և ըստ նրա, հատկապես արտաքին հարաբերությունների ոլորտում հաշվի են առնում նաև մասնագիտական հնարավորություններն ու կարողությունները:
«Ես այդչափ ազդեցիկ անձնավորություն չեմ, եթե այդքան ազդեցիկ լինեի, նրանց նախարար կնշանակեին»,- նշեց Խոսրով Հարությունյանը:
Մանրամասները՝ տեսանյութում:
