Ճապոնացի հետազոտողները RIKEN ինստիտուտում մշակել են ջրում լուծված շաքարի օգնությամբ ընդամենը երեք օրում հյուսվածքների գունազրկման մեթոդ: Ուսումնասիրվող նմուշների քիմիական կազմն ու ձևը չեն փոխվել: Նոր SeeDB տեխնոլոգիայի և մանրադիտակի օգնությամբ գիտնականներին հաջողվել է ստանալ մկների ուղեղի՝ աննախադեպ խտությամբ քարտեզը: Այս մասին հայտնում է Nature Neuroscience-ը:
Կարճ ասած՝ մասնագետները ստեղծել են ֆրուկտոզայի հատուկ ջրային լուծույթ: Նմուշների հյուսվածքների գունազրկումը թույլ է տալիս ուսումնասիրել բարդ կենսաբանական կառուցվածքները, ինչպիսին ուղեղն է:
Արդյունքում ճապոնացի գիտնականներն աշխարհում առաջինը եռաչափ բնութագրել են գլխակեղևում ուղեղի ձախ և աջ կիսագնդերի կապը: Նոր տեխնոլոգիան կօգնի նաև մարդու ուղեղի նեյրոնային ակտիվության ուսումնասիրմանը:
