Հարավորեական Samsung Electronics-ը Լոնդոնում ներկայացրել է Ativ Q նոր պլանշետը, որն առանձնանում է շուկայում առկա պլանշետներից: Հետաքրքիրն այն է, որ սարքը կարող է աշխատել ինչպես Android, այնպես էլ Windows 8 օպերացիոն համակարգով: Սարքը բավականին մեծ է, ունի 13.3 դյույմանոց էկրան, ստեղնաշարի կցման հնարավորություն: Այս մասին հայտնում է CyberSecurity-ն:
Ativ Q-ի շնորհանդեսից ժամեր առաջ ընկերությունը ներկայացրել է հիբրիդային ուլտրաշարժական նոթբուք, որը նույնպես ունի ինչպես Android, այպես էլ Windows 8-ով աշխատելու հնարավորություն:
Վերլուծաբանները կարծում են, որ շուտով Windows-Android սարքերը նոր թրենդ կդառնան շուկայում, և որ Asus-ի ու Samsung-ի օրինակին շատ ընկերություններ կհետևեն:
Samsung-ում ասում են, որ Ativ Q-ն աշխատում է Intel Haswell նոր չիպերով, որոնց արտադրությունը սկսվել է հունիսի սկզբին: