Թուրինի «Յուվենտուս»-ի կիսապաշտպան Պոլ Պոգբան կարող է կարիերան շարունակել «Մանչեսթեր Յունայթեդ»-ում: Այդ մասին հայտնում է The Sun-ը:
«Կարմիր սատանաներ»-ը 60 մլն ֆունտ են առաջարկում ֆուտբոլիստի տրանսֆերի դիմաց: Այդպիսով, գործարքը՝ կայանալու դեպքում, կարող է ռեկորդային դառնալ Անգլիայի Պրեմիեր լիգայի պատմության մեջ:
Բրիտանական ակումբների թվում ամենաթանկարժեք գործարքն առայժմ համարվում է Անխել Դի Մարիայի տրանսֆերը, որի դիմաց «Յունայթեդ»-ը «Ռեալ»-ին 59.7 մլն ֆունտ է վճարել:
Թուրինյան ակումբի հետ Պոգբայի պայմանագրի ժամկետն ուժի մեջ է մինչև 2019 թվականը: «Յուվենտուս»-ի ղեկավարությունը 23-ամյա ֆուտբոլիստին նոր պայմանագիր է առաջարկում՝ ավելի շահավետ պայմաններով:
Հիշեցնենք՝ Պոգբան «Յունայթեդ»-ից «Յուվենտուս» է տեղափոխվել 2012 թվականին:
