Արգենտինացի հայտնի ֆուտբոլիստ Դիեգո Մարադոնան ավելի քան 490 հազար դոլար կստանա որպես փոխհատուցում` համակարգչային առցանց խաղում իր անունն անօրինական կերպով օգտագործելու համար, հաղորդում է ITAR-TASS-ը:
Պեկինի դատարանն ընդունել է արգենտինացու բողոքն այն կապակցությամբ, որ Hot-Blood Soccer խաղում խախտվել է Մարադոնայի պատկերն օգտագործելու իրավունքը: Դատարանը որոշում է կայացրել հօգուտ ֆուտբոլիստի:
Առցանց խաղը, որը մշակել է The9 ընկերությունը, հասանելի է Sina չինական խոշորագույն սոցիալական ցանցի հարթակում:
Ընկերության փաստաբանը հայտարարել է, որ իր հաճախորդը հազիվ թե բողոքարկի դատարանի վճիռը:
