Ադրբեջանական APA լրատվական գործակալության փոխանցմամբ՝ Ադրբեջանի էներգետիկայի նախարար Նատիգ Ալիևը, ելույթ ունենալով Բաքվում «Կասպյան նավթ և գազ» (Caspian Oil&Gas) 23-րդ միջազգային համաժողովում, հայտարարել է, որ «Անդրադրիատիկ» (TAP) գազատարի նախապատրաստական աշխատանքներն ավարտվել են 10 տոկոսով:
«TAP գազատարով Եվրոպա արտահանվելիք գազից կօգտվեն նաև Մոնտենեգրոն, Խորվաթիան, Բոսնիա-Հերցեգովինան: TAP կոնսորցիումն արդեն իսկ առաջարկել է խողովակաշար անցկացնել այդ երկրներ: TAP-ով արտահանվելիք գազը կարող է Բուլղարիային ապահովել 40 տոկոսով»,- հայտարարել է նախարարը:
Խոսելով TANAP գազատարի մասին՝ Ալիևը հայտարարել է, որ «Անդրանատոլիական» (TANAP) գազատարը վերջ կդնի ռուսական գազից Թուրքիայի ունեցած կախվածությանը. «Ռուսական գազից Թուրքիայի կախվածությունը կազմում է 58 տոկոս: Մյուս կողմից՝ TANAP-ով արտահանվելիքը գազը ավելի էժան կլինի ռուսական գազից»:
