Կենտրոն և Նորք-Մարաշ վարչական շրջանների ընդհանուր իրավասության դատարանում ընթանում է Վարդան Սեդրակյանի և մյուսների գործով դատական նիստը: Ցուցմունք է տալիս ամբաստանյալ Խաչատուր Պողոսյանը:
Նա հայտարարեց. «Մենք՝ բացի Հայրիկյանից, պետք է ներողություն խնդրենք նաև Վարդան Սեդրակյանից, որ էդ մարդուն գցեցինք էս գործի մեջ»:
Ըստ ամբաստանյալ Պողոսյանի՝ ինքը առաջին կրակոցը Հայրիկյանին չի ուղղել, այլ ցանկացել է օդ կրակել՝ վախեցնելու համար, բայց Հայրիկյանի անկանոն շարժումների պատճառով կրակոցը դիպել է նրան: «Առաջին կրակոցից Հայրիկյանը ոչ էլ վախեցավ, վիրավորված վիճակում գալիս էր իմ վրա, ասի՝ կարող ա ինձ վնաս տա, ուզում էր ձեռս բռնել. չեք հավատա»:
Ըստ Պողոսյանի՝ երկրորդ կրակոցը արձակելուց առաջ ինքը գետնին ընկած Հայրիկյանին ասել է՝ սուս, և կրակել է ոչ նրա վրա, այլ վախեցնելու համար, որպեսզի կարողանա փախչել: «Հայրիկյանը գոռում էր, ես կրակեցի և մտածեցի՝ մարդիկ կլսեն, ու փախչում էի»:
Այս պահին նիստը շարունակվում է:
Լուսանկարը՝ PanARMENIAN Photo-ի
