Նախորդ տարիների ընթացքում մարդկանց կտտանքների ենթարկելու և սեռական ոտնձգությունների կասկածանքով Վրաստանում ձերբակալվել են ՆԳՆ-ի ու ՊՆ-ի ներկայիս և նախկին 9 աշխատակիցներ: Այդ մասին հաղորդել է ներքին գործերի նախարար Իրակլի Գարիբաշվիլին:
Նա նշել է, որ այդ կալանքը կապված է հունիսի 17-ին Վրաստանի արևմուտքում հայտնաբերված գաղտնարանում առկա տեսանյութի հետ, որտեղ մարդկանց ծեծում, նվաստացնում, ինչպես նաև նրանց նկատմամբ սեռական բնույթի գործողություններ են կատարում իրավապահ մարմինների ներկայացուցիչները: Գարիբաշվիլին հաղորդել է, որ հետաքննության ընթացքում ճանաչվել են երկու անձինք, ում նկատմամբ այդ գործողությունները կիրառվել են:
Նախարարի խոսքերով՝ այսօր և երեկ երեկոյան ինը մարդ է ձերբակալվել:
«Ձերբակալվել է նաև մարդկանց նկատմամբ անմիջական սեռական ոտնձգություն իրականացնողներից մեկը»,- հայտարարել է նախարարը:
