Հետաքննությունների դաշնային բյուրոյի գործակալները Օհայո նահանգում ձերբակալել են 3 մարդու, որոնք ստրկության մեջ են պահել 2 մտավոր հետամնաց կանանց. նրանց ծեծել են ու ստիպել իգուանայի կերակրել, հայտնում է «Գոլոս Ռոսիին»:
Մտավոր խնդիրներ ունեցող մորն ու նրա անչափահաս աղջկան պահել են ստրուկի կարգավիճակում՝ սպառնալով նրանց շներով ու օձերով, որոնցով լի է եղել տունը:
«Ապրելու պայմանները պարզապես ոչ մարդկային են եղել»,- լրագրողներին պատմել է դատախազ Սթիվեն Դեթելբախը: Ինչպես պարզվել է, կանանց պահել են փակի տակ, կերակրել շների համար նախատեսված սնունդով, արգելել օգտվել զուգարանից:
Հետաքննությունների դաշնային բյուրոյի տվյալներով՝ մորն ու աղջկան, որոնց անունները չեն հրապարակվում, ստիպել են մշտապես աշխատել ու խնամել տանը պահվող բազմաթիվ շներին ու սողուններին:
Տանտերերը կանանցից վերցրել են հաշմանդամության թոշակն ու տեսախցիկների ներքո մորը պարտադրել ծեծել աղջկան՝ սպառնալով տեսանյութը ցույց տալ իշխանություններին, եթե կանայք փորձեն փախչել:
Խաբեության շնորհիվ՝ կասկածյալներն անգամ նրանց թույլատրել են գնալ խանութ՝ գնումների:
ԶԼՄ-ների հաղորդմամբ՝ կանայք ստրկության մեջ են եղել 2011-ից:
