North Korea News-ը (տեղակայված է ԱՄՆ տարածքում) տեղեկություն է տարածել Հյուսիսային Կորեայի առաջնորդ Կիմ Չեն Ինի նոր, շքեղ Princess 95MY զբոսանավի մասին, որն արժե 7 մլն դոլար:
Պորտալի անցկացրած հետաքննության ընթացքում պարզվել է, որ Կիմ Չեն Ինը Princess Yachts International բրիտանական ընկերության «լյուքս» դասի զբոսանավով 10-օրյա շրջագայություն է կատարել հյուսիսկորեական ափի երկայնքով:
Նշվում է, որ զբոսանավը հավանաբար հյուսիսկորեացի առաջնորդի վերջին ձեռքբերումն է: Սակայն մանրամասներ այն մասին, թե երբ և ինչպես է զբոսանավը տեղափոխվել Հյուսիսային Կորեա ՄԱԿ-ի գործող պատժամիջոցների դեպքում, որոնք արգելում են դեպի այդ երկիր ապրանքերի արտահանումը, հայտնի չէ:
Կիմ Չեն Ինի զբոսանավի արժեքը հաշվակվել է՝ ելնելով նավի «կրտսեր քրոջ»՝ կատարելագործված Princess 98MY մոդելի շուկայական արժեքից (8.7 մլն դոլար):
