Գերմանիայում տարեսկզբից աճել է փախստականների վրա հարձակումների թիվը՝ անցյալ տարվա նույն ժամանակահատվածի համեմատ: Այս մասին հայտարարել է Գերմանիայի ՆԳ նախարար Թոմաս դե Մեզյերը Funke Mediengruppe-ին տված հարցազրույցում:
«2016թ. առաջին ամիսներին իրավիճակը վատթարացել է»,- նշել է նա: Տարեսկզբից ընդհանուր առմամբ արձանագրվել է փախստականների դեմ ավելի քան 1100 հանցագործություն՝ 449 հարձակում փախստականների ապաստարանների վրա, ավելի քան 650-ը՝ ապաստարանների սահմաններից դուրս, ընդ որում՝ դրանցից մոտ 100-ը՝ բռնությունների կիրառմամբ:
Մեզյերը նշել է, որ կասկածյալների մեծ մասը ապրել են այն շրջաններում, որտեղ տեղակայված են փախստականների ապաստարանները: Նա նկատել է, որ հանցագործությունների հեղինակները նրանք են, ովքեր նախկինում քրեական հանցանքներ չեն գործել, ինչը նա համարել է «մտահոգվելու լուրջ առիթ»:
