ԱՄՆ նախագահ Բարաք Օբաման իր ռուս գործընկերոջ՝ Վլադիմիր Պուտինի հետ բանակցությունների ավարտից հետո նշել է, որ վերջինս շարունակում է հաջողություններ գրանցել ձյուդոյում, իսկ Պուտինը կատակել է՝ ասելով, որ Օբաման ցանկանում է «թուլացնել» զրուցակցին: Այս մասին հաղորդում է Interfax-ը:
«Մենք նաև խոսել ենք այն մասին, որ Պուտինը շարունակում է հաջողություններ գրանցել ձյուդոյում, իսկ ինչ վերաբերում է բասկետբոլին, ես դրանում ավելի թույլ եմ դառնում»,- ասել է Օբաման:
Օբաման հավելել է, որ արդյունքում իրենք համաձայնվել են, որ տարիքի հետ «գնալով ավելի բարդ է լինում հաղթահարել ծանրաբեռնվածությունը»:
«Նախագահը ցանկանում է թուլացնել ինձ իր հայտարարությամբ, թե՝ նա գնալով թուլանում է»,- ասել է Պուտինը՝ ի պատասխան Օբամայի հայտարարության:
