Լիտվայի Շալչինիկայ քաղաքում տեղի խանութներից մեկը երկրի դրոշի վրա սգո ժապավենի փոխարեն կապել է կանանցի սև զուգագուլպաներ, հաղորդում է Delfi.lt-ը:
Լիտվայում սգո օրը նշվել է հունիսի 14-ին՝ խորհրդային աքսորի տարելիցին, երբ հանրապետությունից աքսորվել են հազարավոր մարդիկ: Դրոշը բարձրացվել է Maxima խանութների ցանցի վրա:
Maxima-ի ներկայացուցիչ Ռենատա Սաուլիտեն ավելի ուշ խոստովանել է, որ դրոշը կախել է աշխատակիցներից մեկը:
«Խանութի ղեկավարը պատասխանատու է դրոշի բարձրացման համար, նա պետք է իմանա և հսկողություն իրականացնի: Տվյալ դեպքում խանութի ղեկավարը կհեռացվի աշխատանքից: Մեզ մնում է միայն ներողություն խնդրել բոլոր հաճախորդներից, որոնք անցել են խանութի մոտով և սգո նման նշան են տեսել»,- ասել է նա:
Ընկերությունը մտադիր է դիմել նաև ոստիկանություն, որպեսզի մեղավորը պատժվի:
