Սիրիայի նախագահ Բաշար Ալ-Ասադը մտադիր է կիրառել զինված դիմադրության փորձը Հարավային Լիբանանում՝ Իսրայելի կողմից շրջափակված Գոլանի բարձունքներն ազատագրելու համար: Ինչպես հաղորդում է «Ալ-Ահբար» թերթը, այս մասին նախագահը հայտարարել է Դամասկոս ժամանած լիբանանցի քաղաքական գործիչների հետ հանդիպմանը:
Ալ-Ասադը, մասնավորապես, ասել է, որ ինքը երկար ժամանակաշրջանի համար նախատեսված նախագիծ ունի՝ Գոլանի բարձունքներում դիմադրության ճակատ կազմակերպելու համար: Սիրիացի առաջնորդը հասկացնել է տվել, որ ցանկանում է ներկայիս հայրենասիրական վերելքն օգտագործել արաբական ազգային շարժման վերածննդի համար:
Նրա կարծիքով՝ Սիրիայի շուրջ ստեղծված իրավիճակը հիշեցնում է 1956թ. Եգիպտոսի դեմ Անգլիայի, Ֆրանսիայի, Իսրայելի կողմից կիրառված ագրեսիան:
«Արաբական քաղաքական հարթակ պետք է վերադառնան ազգային կուսակցությունները և ուժերը, որոնք կմիավորվեն դիմադրության գաղափարի շուրջը»,- կարծում է Սիրիայի նախագահը:
Դրա հետ մեկտեղ Ալ-Ասադը հույս ունի, որ ազգային գաղափարախոսությունը պատնեշ կդառնա իսլամական ծայրահեղականության տարածման համար:
Նրա խոսքերով՝ Սիրիան հաղթահարել է իր վրա կախված ռազմավարական սպառնալիքը և հաջողությամբ դիմակայել է իր դեմ սկսված չար արշավին:
