Հարավային Կալիֆոռնիայի համալսարանին կից կինեմատոգրաֆիայի դպրոցում կազմակերպված քննարկման ժամանակ Սթիվեն Սփիլբերգն ու Ջորջ Լուկասը մի շարք կանխատեսումներ են արել ինդուստրիայի ապագայի մասին. հայտնում է filmpro.ru-ն:
Նրանց կարծիքով՝ մոտ ապագայում աշխարհն արմատապես կփոխվի՝ ֆիլմերի տոմսերը շատ թանկ կլինեն, ֆիլմերի մի մասը հասանելի կլինի միայն համացանցում:
Լուկասի կանխատեսումներով՝ խոշոր կինոինդուստրիայի ապագան բավական տխուր է. «Նրանք վազում են փողերի հետևից: Սակայն դա չի կարող հավերժ տևել: Նրանց ուղղվածությունը դառնում է ավելի նեղ, ու մարդիկ շուտով դրանից կհոգնեն, իսկ ստուդիաները չեն կարողանա նրանց այլ բան առաջարկել»:
Սփիլբերգն իր հերթին, նշել է, որ մրցակցությունը զվարճանքների ոլորտում շատ բարձր է, քանի որ ներկայում շահավետ է 250 մլն դոլար ներդնել 1 ֆիլմի մեջ, քան նկարահանել մի քանի սովորական, հեղինակային ֆիլմ: «Առջևում իսկական կրախ է: Պայթյունը տեղի կունենա, երբ մեծ աղմուկով կկործանվեն մեգաբյուջե ունեցող միանգամից 3 կամ 4, անգամ կես դյուժին ֆիլմեր»:
