ԵՄ մի շարք երկրների կառավարությունների ղեկավարները քննարկում են փախստականների հարցով Թուրքիայի հետ համաձայնագրի հնարավոր այլընտրանքներ՝ վախենալով, որ Անկարայի հետ գործարքը կձախողվի։ Այս մասին հայտնում է Bild պարբերականը՝ հղում անելով սեփական աղբյուրներին։
Մասնավորապես, քննարկվում է այն տարբերակը, որի դեպքում հունական կղզիներում կստեղծվեն ներգաղթյալների ընդունման և գրանցման կենտրոններ, եթե թուրքական կառավարությունը չանցկացնի Եվրոպա փախստականների ելքի կանխման միջոցառումներ։ Ծրագրվում է կանգնեցնել ծովային հաղորդակցությունը Հունաստանի մայր տարածքի հետ։ Ներգաղթյալները, որոնց հայտերը փախստականի կարգավիճակի տրամադրման մասին կմերժվեն, կարտաքսվեն անմիջապես իրենց հայրենի երկրներ։
Բացի այդ, ԵՄ-ն կդադարեցնի Թուրքիային խոստացված տրանշների հատկացումը, որոնք պետք է ուղղվեին փախստականների համար նախագծերին։ Դրա փոխարեն կարող են հավելյալ ֆինանսական օգնություն տրամադրել Հունաստանին։
Բունդեսթագի պատգամավոր Կարլ-Գեորգ Վելմանը (Քրիստոնեա-դեմոկրատական միություն) պարբերականի հետ զրույցում նշել է, որ պետք է նախապես մշակել հնարավոր տարբերակներ՝ Անկարայի հետ գործարքի ձախողման դեպքում։
