Բրիտանացիների կեսից ավելին կցանկանար, որ իրենց երկիրը դուրս գար «Եվրատեսիլ» երաժշտական մրցույթից: Այս մասին գրում է The Independent-ը՝ հղում անելով YouGov հետազոտական գործակալության հարցման արդյունքներին:
Հարցումը կատարվել է Մեծ Բրիտանիայի, Ֆրանսիայի, Գերմանիայի, Դանիայի, Նորվեգիայի, Ֆինլանդիայի և Շվեդիայի քաղաքացիների շրջանում՝ նշում է պարբերականը:
Ստացված տվյալներով՝ Մեծ Բրիտանիան «Եվրատեսիլին» շատ ավելի վատ է վերաբերվում, քան մնացած երկրները. հարցվածների միայն 40%-ն է կողմ մրցույթին երկրի մասնակցությանը:
Միաժամանակ, բրիտանացիների միայն 10%-ն է դիտում «Եվրատեսիլը» հանուն երաժշտության, իսկ մեծ մասին դուր են գալիս շոուն և հաղորդավարների մեկնաբանությունները:
