Արևային մատկոցներով Solar Impulse 2 ինքնաթիռը շուրջերկրյա շրջագայության շրջանակներում թռել է կալիֆոռնիական Սան Ֆրանցիսկոյից Արիզոնա նահանգի Ֆինիքս քաղաք: Այս մասին հայտնում է RIA Novosti-ն:
Նախագծի հեղինակների տեղեկությամբ՝ ինքնաթիռը թռել է տեղի ժամանակով 05.00-ին (մեր ժամանակով՝ 16.00): Սպասվում է, որ ինքնաթիռը կհաղթահարի մոտ 1,150 կմ և վարէջք կկատարի Ֆինիքսում 16 ժամ անց:
Նախքան Եվրոպա կամ Հյուսիսային Աֆրիկա ուղևորվելը ինքնաթիռը ևս երկու թռիչք կկատարի ԱՄՆ տարածքում:
Solar Impulse 2-ը Կալիֆոռնիա է ժամանել ապրիլի վերջին Խաղաղ օվկիանոսի վրայով 3 օր թռչելուց հետո:
Solar Impulse 2 ինքնաթիռը շուրջերկրյա թռիչքը սկսել է 2015թ. մարտի 9-ին Աբու Դաբիում: Այն արդեն այցելել է Օման, Հնդկաստան, Մյանմա, Չինաստան և Ճապոնիա, իսկ հուլիսի սկզբին ինքնաթիռը ժամանել է Հավայան կղզիներ՝ առանց կանգառների ամենատևական թռիչքի ռեկորդ սահմանելով՝ անընդմեջ թռչելով ավելի քան 120 ժամ: Հաղորդվում է, որ մարտկոցները գերտաքացել են և շարքից դուրս եկել հենց այդ ռեկորդային հատվածում:
Ինքնաթիռը մարտկոցների անսարքության պատճառով շուրջերկրյա թռիչքը կարողացել է վերսկսել միայն այս տարվա ապրիլի սկզբին:
