Եգիպտոսն Արժույթի միջազգային հիմնադրամին մեղադրել է Կահիրեին 4.8 միլիարդ դոլարի վարկի տրամադրումը ձգձգելու մեջ: Այս մասին հաղորդում է The Financial Times թերթը, որը հարցազրույց է վերցրել Եգիպտոսի նախագահ Մուհամադ Մուրսիի խորհրդական Իսամ Ալ-Հադադից:
«Մենք անցկացրել ենք անհրաժեշտ ամբողջ աշխատանքը՝ ներառյալ սուբսիդիաների կրճատման ծրագրի մշակումն ու հարկային համակարգի բարեփոխումները: Այժմ գնդակը գտնվում է ԱՄՀ-ի կողմում, սակայն մշտապես առաջանում են նոր խոչընդոտներ»,- ասել է նա:
Թերթը, վկայակոչելով արևմտյան դիվանագետներին, նշում է, որ ԱՄՀ-ն վարկի տրամադրման համաձայնագիրը չի ստորագրի մինչև Եգիպտոսում խորհրդարանական ընտրությունները:
Ալ-Հադադի խոսքերով՝ դրանք տեղի կունենան առաջիկա 3-6 ամիսների ընթացքում:
Միևնույն ժամանակ Եգիպտոսում տնտեսական վիճակը գնալով վատթարանում է: Պետբյուջեի դեֆիցիտը հասել է 14%-ի, իսկ պետական պարտքը՝ ՀՆԱ-ի 80%-ի՝ նշում է թերթը:
