Գոլանի բարձրունքներում իրավիճակի սրումն Իսրայելին ցույց տվեց, որ նա այլևս չի կարող հույսը դնել միայն միջազգային ուժերի վրա: Այդ մասին այսօր կառավարության նիստի ժամանակ հայտարարել է Իսրայելի վարչապետ Բենիամին Նեթանյահուն:
«Օրերս, մենք հետևում էինք Գոլանի բարձունքներում մեր սահմանին կից ընթացող մարտերին: Այնտեղ ՄԱԿ-ի ուժերի թուլացումը հաստատել է այն փաստը, որ Իսրայելը չի կարող իր անվտանգությունը վստահել միջազգային ուժերին: Իսրայելը չի միջամտի Սիրիայի քաղաքացիական պատերազմին այնքան ժամանակ, քանի դեռ կրակը չի ուղղվել դեպի մեր տարածք»,- ասել է վարչապետը:
Նեթանյահուի խոսքերով՝ ինքը Գոլանի բարձունքներում տիրող իրավիճակը մտադիր է քննարկել ԱՄՆ պետքարտուղար Ջոն Քերիի հետ, ով հաջորդ շաբաթվա սկզբում ժամանելու է տարածաշրջան:
