Ամերիկացի դերասանուհի Սքառլետ Յոհանսոնը դատի կտա գրող Գրեգուար Դելակուրին, ով իր վեպի նոր հերոսուհուն անվանել է նրա անունով։ Այս մասին հաղորդում են ֆրանսիական լրատվամիջոցները, հայտնում է RIA Novosti-ն:
«Առաջինը, ինչին մենք նայում ենք» (La premiere chose qu’on regarde) վեպում դերասանուհու անունը կրում է երիտասարդ մի ֆրանսուհի, ով մտերմիկ հարաբերությունների մեջ է ավտովերանորոգողի հետ:
Յոհանսոնը մտադիր է պահանջել փոխհատուցել իրեն հասցված վնասը, քանի որ գրողն իր ստեղծագործության մեջ օգտագործել է իր անունը:
Անձամբ Դելակուրը դերասանուհու ռեակցիան անվանել է «բավական տխուր» ու չնայած կայանալիք դատավարությանը, ասել է, որ ամեն դեպքում, սիրում է Յոհանսոնին:
