ՀՀ էկոնոմիկայի նախարար Արծվիկ Մինասյանը լրագրողների հետ զրույցում անդրադառնալով ԱԺ պատգամավոր Խաչատուր Քոքոբելյանի՝ ԵՏՄ-ից դուրս գալու օրինագծին, ասաց, որ ցանկացած նախագիծ շրջանառելու իրավունք կա: «Ես՝ որպես էկոնոմիկայի նախարար, դրա նպատակահարմարությունն այս պահին չեմ տեսնում»,- ասաց Արծվիկ Մինասյանը:
Նախարարի խոսքով՝ նման ուղերձները կարող են որոշակի շփոթ առաջացնել տնտեսական գործընթացներում, հետևաբար շատ կարևոր է, որպեսզի նման քաղաքականությունը նախ մշակվի ներսում, հետո նոր հրապարակվի:
Ա. Մինասյանի դիտարկմամբ՝ ցանկացած նման գործելակերպ ազդում է տնտեսության վրա, որովհետև ձևավորում է որոշակի սպասումներ: «Որպես կառավարության՝ էկոնոմիկայի բլոկի պատասխանատու, ես համարում եմ, որ այսօր դրա անհրաժեշտությունը չկա»,- ասաց Արծվիկ Մինասյան՝ հավելելով, որ Հայաստանը դեռ չի էլ փորձել ԵՏՄ-ի հիմնական առավելություններից օգտվել:
«Ցանկացած ժամանակակից տնտեսության հիմնական մոտեցումներից մեկը սպասումներն են: Չի կարելի հանուն իշխանափոխության ամեն ինչ օգտագործել՝ սպանելով հնարավոր դրական զարգացումները »,- ասաց նախարարը՝ հավելելով, որ Հայաստանն այսօր կարիք ունի մրցակցային միջավայրի բարելավման:
Մանրամասները՝ տեսանյութում: