Չնայած Սերժ Սարգսանն արդեն վավերացրել է Սյունիքի նախկին մարզպետ Սուրեն Խաչատրյանի հրաժարականի դիմումը, Սյունքի մարզը դեռ մարզպետի պաշտոնակատար չունի: Վարչապետի մամուլի խոսնակ Հարություն Բերբերյանն «Առաջին լրատվականի» հետ զրույցում ասաց, որ մարզպետի պաշտոնակատար նշանակված չէ: Նշանակում է` Սյունիքի մարզն առանց ղեկավարի է մնացել:
Ի դեպ, Սյունիքի մարզպետարանի կայքից հանվել է Սուրեն Խաչատրյանի նկարը և ողջույնի խոսքը: Այսօր «Առաջին լրատվականը» գրել էր, որ մարզպետարանի կայքում այցելուներին դեռ «ողջունում է» Սուրեն Խաչատրյանը: Իշխանական շրջանակներում արդեն քննարկվում է, թե ով կլինի ռազմավարական նշանակության մարզի ղեկավարը: Չի բացառվում, որ թեկնածուն լինի ուժային կառույցներից և միանգամից նշանակվի մարզպետ՝ շրջանցելով պաշտոնակատարի կարգավիճակը։