Սաուդյան Արաբիայում կանանց թույլատրել են երեկոյան աշխատել ընտանիքով այցելության համար նախատեսված ռեստորաններում, նաև կանացի ապրանքների խանութներում և ընտանեկան ժամանցի կենտրոններում: RIA Novosti-ի հաղորդմամբ՝ այս մասին հայտարարել է երկրի աշխատանքի նախարարության ներկայացուցիչ Աբդել Մանամ աշ-Շահրին:
Նրա խոսքով՝ որոշ տեսակի գործունեությամբ զբաղվելու արգելքը չի նշանակում, որ իշխանություններն ընդհանրապես կանանց չեն թույլատրում աշխատել կամ որևէ զբաղմունք ունենալ:
«Նախարարությունը ելնում է կնոջը աշխատանքի համար այնպիսի պայմաններ տրամադրելուց, որպեսզի դրանք ներդաշնակ լինեն կանացի բնությանը և միաժամանակ նրա իրավունքները պաշտպանված լինեն»,- ասել է աշ-Շահրին:
Նա նշել է, որ գերատեսչությունը կանանց չի թույլատրում աշխատել 21 մասնագիտությամբ՝ ելնելով անվտանգության նկատառումներից և նրանց առողջությունը պահպանելու անհրաժեշտությունից:
