Քեմբրիջի համալսարանի գիտնականները հայտնաբերել են գեներ, որոնց մուտացիան պատասխանատու է վաղ սեռական հասունության համար: Այդ մասին հետազոտությունը հրապարակված է Nature Genetics ամսագրում:
Աշխատանքի ընթացքում վերլուծվել են 125 հազար բրիտանացիների, 241 հազար իսլանդացիների և 20 հազար ամերիկացիների գենետիկ տվյալները: Գիտնականները հայտնաբերել են գեների 38 տարբերակներ, որոնք կապված են առաջին սեռական փորձի տարիքի հետ: Դրանցից մեկը հանդիսանում է CADM2 գենը, որը վերահսկում է ուղեղի զարգացումը և նեյրոնային կապերի ձևավորումը:
Աշխատանքի հեղինակները պնդում են, որ իրենց հետազոտության արդյունքները հաստատում են, որ սեռական ակտիվության վաղ սկսման վրա ազդում են ոչ միայն սոցիալական, այլև գենետիկ գործոնները:
