Իրանական Tasnim լրատվական գործակալությանը տված հարցազրույցում ԵՄ դիվանագիտության ղեկավար Ֆեդերիկա Մոգերինին հայտարարել է, որ ԵՄ-ն և ԱՄՆ-ը բանակցում են՝ Իրանի հետ բանկային աշխատանքում խոչընդոտների վերացնելու համար, որոնք ծագել են միջուկային գործարքի իրագործման մեկնարկից ու պատժամիջոցների վերացումից հետո:
«ԵՄ-ն ձգտում է զարգացնել Իրանի հետ առևտուրն ու ներդրումային համագործակցությունը: Եվրոպացիները շահագրգռված են, որ մեր բանկերը ներկայացված լինեն այստեղ:
Մենք միջբանկային հարաբերությունների խոչընդոտների վերացումն ընկալում ենք որպես առաջնահերթ հարց: Մենք նաև այդ թեմայի շուրջ խոսում ենք մեր ամերիկացի ընկերների հետ»,- ասել է նա:
ԵՄ-ի պատժամիջոցների չեղարկումից հետո SWIFT համակարգին միացել է ավելի քան 40 իրանական բանկ, սակայն եվրոպական ընկերությունները մինչ այժմ բարդությունների են բախվում բանկային ոլորտում, այդ թվում նաև՝ դոլարով հաշիվներ վարելիս:
