ՀՀ արտաքին գործերի փոխնախարար Շավարշ Քոչարյանը չի ընդունում ԱԳՆ հասցեին հնչող քննադատությունները:
«Երեկ Ադրբեջանի արտգործնախարարությունը հայտարարել է, որ ապրիլի 2-ին հայկական ուժերն են հարձակվել Ադրբեջանի վրա: Ինչո՞ւ Հայաստանի ԱԳՆ այդ առթիվ որևէ հայտարարությամբ հանդես չի գալիս. «Առաջին լրատվական»- ի այս հարցին լրագրողների հետ զրույցում Շ. Քոչարյանը պատասխանեց. «Մեռել ենք հայտարարություն անելով, ինչի՞ մասին է խոսքը: ԱԳՆ-ի նյութերը ՄԱԿ-ում, ԵԱՏՄ-ում, բոլոր միջազգային կառույցներում տարածվել են: Ամենուրեք հստակ շարադրվել են տեղի ունեցածի մասին և տարածվել:
Ամեն օր դեսպանները տարբեր երկրներում հանդիպումներ են ունենում, ներկայացնում դիրքորոշում, որտեղի՞ց է այդպիսի տպավորություն, որ ԱԳՆ-ն ընդհանրապես չի արձագանքում»:
Մանրամասները՝ տեսանյութում:
