ԱԺ պետական հանձնաժողովների համտեղ նիստում քննարկվել է ղարաբաղաադրբեջանական շփման գծում վերջին օրերին տեղի ունեցածը՝ իրավական պրիզմայով: Այս մասին «Առաջին լրատվական»- ի հետ զրույցում ասաց ԱԺ անկախ պատգամավոր Էդմոն Մարուքյանը:
«Կա հարուցված քրեական գործ, փաստերը հավաքագրվում են, և պետք է աշխատել երեք ուղղություններով՝ ագրեսիայի ակտի ապացուցում՝ պետք է հիմնավորվի, որ Ադրբեջանը ագրեսիայի ակտ է իրականացրել, ինչը ՄԱԿ-ի կանոնադրության և մի շարք միջազգային այլ փաստաթղթերի խախտում է, երկրորդ՝ պատերազմական հանցագործությունների ապացուցում, երրորդ՝ մարդու իրավունքների զանգվածային խախտումների ապացուցում»:
Ցանկացած խաղաղապահ ուժ նոր իրավիճակ է ստեղծելու, որը, ըստ Է. Մարուքյանի, մեզ համար ձեռնտու չէ, քանի որ մեր ԶՈւ-ն կարողանում է տիրապետել իրավիճակին և պաշտպանել խաղաղ բնակչությանը:
Է. Մարուքյանի գնահատմամբ՝ վերջին օրերին պարզ դաձավ, որ հայ-ռուսական ռազմավարական գործընկերությունը միակողմանի գործընթաց է. «Միայն մենք ենք պատրաստ զիջել, աջակցել, քվեարկել իրենց համար»:
Պատգամավորի կարծիքով՝ ԵՏՄ-ից դուրս գալով, մենք մեզ կփրկենք մեկուսացումից:
Մանրամասները՝ տեսանյութում: