Sputnik լրատվական գործակալության փոխանցմամբ՝ Վրաստանի էկոնոմիկայի ու կայուն զարգացման նախարար Դմիտրի Կումսիշվիլին հայտարարել է, որ զբոսաշրջությունը Վրաստանի տնտեսության կարևոր ուղղություններից մեկն է։
Նրա խոսքով՝ նախորդ տարի զբոսաշրջային ոլորտի եկամուտը կազմել է 1 միլիարդ 935 միլիոն դոլար, ինչը 148 միլիոն դոլարով գերազանցում է 2014 թվականի ցուցանիշը:
«Մի շարք հետազոտությունների համաձայն՝ Վրաստանի պահանջարկն աճել է։ Այս տարվա առաջին երեք ամիսներին զբոսաշրջությունը երկրին բերել է հավելյալ 84 միլիոն լարի (ավելի քան 36.5 միլիոն դոլար) և 14 տոկոսանոց աճ։
Միջազգային զբոսաշրջիկների թիվն աճել է 144 հազար մարդով և ընդհանրապես գերազանցել է 1.1 միլիոն մարդը։ Համերգներն ու միջոցառումները կարևոր խթանող գործոն են, ինչը մեծացնում է Վրաստանի ճանաչվածությունը և օգնում զբոսաշրջությանը»,- ասել է նա։
