Ճապոնական Toyota Motor Corp. ավտոհսկան և ամերիկյան Microsoft Corp. համակարգչային կորպորացիան պայմանավորվել են համագործակցել «խելացի ավտոմեքենա» ստեղծելու համար, որն ընդունակ է ինքնուսուցման: Nikkei թերթի հաղորդմամբ՝ դրա համար համատեղ ընկերություն կստեղծվի: Այն կզբաղվի Microsoft-ի «ամպային տեխնոլոգիաներով» Toyota-ի ավտոմեքենաներից ստացված հսկայական քանակությամբ տվյալների մշակմամբ:
Նպատակներից մեկը ավելի կատարյալ անօդաչու ռոբոտ-մեքենաներ, դրանց տվյալների բազաների և նավիգացիոն համակարգերի ակտիվ թարմացման համակարգեր ստեղծելն է: Ենթադրվում է ավտոմեքենաները նաև իրենց վարորդների սովորություններն ու պահանջմունքները ճանաչելու կարողություն կունենան: Օրինակ՝ դրանք կճանաչեն նրանց սիրելի երթուղիները և նախօրոք այնտեղ կայանատեղի կպատվիրեն՝ դրա համար թույլտվություն հարցնելով տիրոջից:
Ավտոմեքենաները նաև պետք է հնարավորություն ունենան հետևելու վարորդի առողջական վիճակին:
