ԴԱԻՇ-ի ադրբեջանական ջոկատը լքել է Ռաքքան ղարաբաղյան կռվին մասնակցելու համար: Հաղորդվում է, որ մոտ 60 ահաբեկիչներ հայրենիք են վերադարձել Թուրքիայով։ Life News-ի ռազմական աղբյուրի փոխանցմամբ՝ ԴԱԻՇ ահաբեկչական խմբավորման ադրբեջանական ջոկատը՝ կազմված 50-70 գրոհայինից, լքել է սիրիական Ռաքքան։
Դրա պատճառով Սիրիայում, «ահաբեկիչների վարչական մայրաքաղաքում» իրական սկանդալ է բռնկվել, քանի որ ԴԱԻՇ-ի գրոհայինները շատ հիվանդագին են ընդունում կարգուկանոնի խախտումները, հատկապես՝ սիրիական բանակի վերջին հաջողությունների ֆոնին։
Հարկ է նշել, որ ադրբեջանցի ծայրահեղականներին նախկինում էլ ԴԱԻՇ-ի շարքերում մեղադրել են դավաճանության մեջ։ Այսպիսով՝ 2015 թվականին հունվարին ահաբեկիչները մահապատժի են ենթարկել դաշտային հրամանատար Սիրաջ Ազերիին՝ կասկածելով նրան լրտեսության մեջ։
Սիրիական հակամարտության ողջ ընթացքում զոհվել է Ադրբեջանի մոտ 100 քաղաքացի. նման վիճակագրություն են տարածել անդրկովկասյան հանրապետության պաշտոնական ԶԼՄ-ները։ Գործնականում այդ թիվը կարող է ավելին լինել։
