Մադրիդի «Ռեալ»-ի նախկին նախագահ Ռամոն Կալդերոնը խոսել է ներկայիս նախագահ Ֆլորենտինո Պերեսի աշխատելաոճից:
«Պերեսը սիրում է ֆուտբոլային թանկարժեք դեմքեր, որոնց համար նա վճարում է կատարում ուրիշների փողերով: Նա ունի ալբոմ, բայց չգիտի, թե որտեղ է պետք սոսնձել այդ նոր դեմքերը:
Պրիմերայի վերջին տասը մրցաշրջաններում Պերեսը միայն մեկ հաջողություն ունի, իսկ դա խնդիր է: Թե ինչ կլինի հետո, բարդ է ասել:
«Ռեալ»-ը ժողովրդավարական ակումբ էր, որտեղ յուրաքանչյուր անդամ կարող էր նախագահ դառնալ: Վերջին տարիներին մենք ապրում ենք Պերեսի երկաթե բռնատիրության գերակայությամբ: Եվ եթե քո անունը Ֆլորենտինո Պերես Ռոդրիգես չէ, ապա դու ոչինչ չես կարող անել:
Վերջին տասը տարիներին նա հազարավոր միլիոններ է ծախսել, բայց հաղթել է առաջնությունում մեկ անգամ: Սա վիճակագրություն է, ոչ թե կարծիք: «Բարսելոնա»-ում բոլորն ուրախ կլինեն, եթե նա մնա «Ռեալ»-ում»,- Կալդերոնի խոսքն է փոխանցում իսպանական «AS»-ը:
